Árný Ingvarsdóttir

Sálfræðingur / NLP master practitioner

Tímapantanir og fyrirspurnir:

• í tölvupósti Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
• í síma 5780790

Árný Ingvarsdóttir útskrifaðist með BA í sálfræði frá Háskóla Íslands haustið 2005 og með embættispróf (Cand.psych.) í sálfræði frá Háskólanum í Árósum haustið 2008. Árið 2007 lauk hún auk þess NLP practitioner og NLP master practitioner námskeiðum (neuro linguistic programming).

Á námsárum sínum starfaði Árný í hlutastarfi hjá Félagsþjónustunni í Reykjavík sem persónulegur ráðgjafi fyrir börn í vanda. Vorið 2008 tók hún starfsnám á kvennasviði og krabbameinsdeild Landspítala - Háskólasjúkrahúss, þar sem skjólstæðingar hennar voru barnshafandi konur, nýbakaðar mæður sem og krabbameinssjúkir og aðstandendur þeirra. Að auki tók hún þátt í kennslu námskeiðs sem byggt er á grunnþáttum hugrænnar atferlismeðferðar og er ætlað fólki í endurhæfingu eftir slys og veikindi. Þá var hún aðstoðarleiðbeinandi á námskeiði fyrir unglinga í áhættuhópi fyrir þunglyndi.

Fyrst eftir útskrift sinnti Árný hlutastafi við hegðunarmótun og sérkennslu, en haustið 2009 stofnaði hún ásamt Thelmu Gunnarsdóttur útgáfufyrirtækið Hvað get ég gert sf. sem sérhæfir sig í þýðingu og útgáfu sálfræðibóka fyrir börn. Útkomnar bækur eru þrjár talsins; "Hvað get ég gert við of miklar áhyggjur?","Hvað get ég gert þegar reiði tekur völdin?" og "Hvað get ég gert við of mikla neikvæðni?". Sjá www.hvadgeteggert.is

Í dag er Árný sjálfstætt starfandi sálfræðingur og fyrirlesari, kennir á uppeldisnámskeiðum fyrir foreldra auk þess sem hún stundar meistaranám í hagnýtri ritstjórn og útgáfu við Háskóla Íslands.

Árný býður upp á sálfræðimeðferð og NLP ráðgjöffyrir fullorðna, auk þess sem hún veitir foreldrum ráðgjöf.